En nossa cafetaria han cussadentas, cussadents, confamigliars e hosps la pusseivladad da passentar enzacontas urettas en buna cumpignia. Nus purschin duront gl’entir di cuschina caulda e selegrein d’astgar organisar per Vus fiastas da famiglia, pasts da bara, fiastas da natalezi, tscheinas da fatschenta ed auter.

Da bial’aura ei nossa gronda terrassa semtgada per cussadentas, cussadents, hosps e confamigliars. Da leu anora gudis Vus in magnific panorama sur l’entira Lumnezia.

La cafetaria ei publica ed aviarta mintgadi naven dallas 10:00 tochen las 18:00.