Nus sespruein da porscher a nos attempai ina sera dalla veta aschi emperneivla sco pusseivel. Per evitar liung’uriala vegn procurau per in’occupaziun individuala gest tenor il giavisch da mintga cussadenta e da mintga cussadent. Suenter in bien solver serendan nos attempai mintgamai en roschas egl atelier per la creaziun dil mintgadi. Leu vegn cusiu, fatg caltschiel ni cun crutsch, malegiau, tagliau ora, creau cadeinas da curals, barschau en lenn, trafficau cun arschela, dau lotto ni jass, mirau films, cantau, fatg exercezis da moviment ed aunc bia auter.