Independent, individual e tenor basegns assistiu – quella pusseivladad da habitar porschan nossas 16 habitaziuns d’attempai, tuttas endrizzadas tenor ils basegns da persunas cun impediments. Agl ur dil vitg da Vella, cun ina survesta magnifica, sesanflan las duas casas cun habitaziuns modernas. Entuorn casa sesanfla ina biala zona verda cun pintgas oasas da seser e vias da spassegiar.

Tuttas habitaziuns ein contonschiblas via ascensur. La partiziun generusa ed attractiva dallas habitaziuns possibilitescha era da semover cun sutga da rodas. Las habitaziuns san vegnir endrizzadas tenor agen giavisch.

Encunter in’indemnisaziun meinsila ei il survetsch d’urgenza garantius duront gl’entir onn ora di e notg via «tasta clom d’urgenza».